Baton y Brenin yn Teithio Cymru gyda Thema 'Y Môr' yn Gemau'r Gymanwlad

Baton y Brenin yn teithio drwy Gymru gyda thema 'Y Môr', gan ddathlu cysylltiad y bobl â'r môr cyn Gemau'r Gymanwlad 2025.

Taith Baton y Brenin drwy Gymru

Â Gemau'r Gymanwlad yn dechrau yn Glasgow ymhen mis, mae Baton y Brenin wedi bod yn teithio drwy 74 tiriogaeth y Gymanwlad ers mis Mawrth 2025, gyda'r nod o uno'r gwledydd.

Mae'r baton wedi bod yng Nghymru ers 19 Mehefin, ac wedi crwydro o'r Barri i Sir Gâr i Gwm Elan, ac wedi diweddaru ei thaith yn ddiweddar ym Mae Trearddur, Ynys Môn.

'Y Môr' yw thema'r daith eleni; thema addas i wlad lle mae dros 60% o'r boblogaeth yn byw ger y môr.

Y berthynas â'r môr yng Nghymru

Mae Reece Halstead, Cydlynydd Llythrennedd Cefnfor Cymru gyda sefydliad Y Môr a Ni, wedi gweithio gyda Thîm Cymru a phartneriaid eraill i amlygu pwysigrwydd y môr ym mywydau pobl Cymru.

"Dwi'n meddwl fod gan bawb yng Nghymru berthynas efo'r môr; o fynd am dro ar y traeth, i fyw a gweithio ar y môr, i geisio diogelu'r bywyd gwyllt.

"Ein bwriad ni yn Y Môr a Ni yw dathlu'r berthynas honno, a sicrhau fod gan bawb berthynas iach gyda'r môr.

"Roedd y digwyddiadau yma'n gyfle gwych i ddathlu ein moroedd, arfordir, bywyd gwyllt a'r bobl a'r cymunedau lleol sy'n gweithio i ddiogelu'r môr a hynny efo Tîm Cymru."

Y baton yn cael ei gludo i Ynys y Barri ar gwch yr RNLI

Y baton yn cael ei gludo i Ynys y Barri gan Gethin Jones — Disgrifiad o’r llun, Y baton yn cael ei gludo i Ynys y Barri ar gwch yr RNLI

Gethin Jones, Chef de Mission Tîm Cymru yng Ngemau'r Gymanwlad eleni, oedd cludwr cyntaf y baton ar y daith - yma gyda Reece Halstead o griw Y Môr a Ni

Gethin Jones a Reece Halstead — Disgrifiad o’r llun, Gethin Jones, Chef de Mission Tîm Cymru yng Ngemau'r Gymanwlad eleni, oedd cludwr cyntaf y baton ar y daith - yma gyda Reece Halstead o griw Y Môr a Ni

Digwyddiadau a gweithgareddau lleol

Ym Mhorthdinllaen, roedd taith o dan y dŵr gyda Isobel Lomax, a fu'n snorclo dros fôrwellt gyda'r baton.

Y baton wedi bod yn snorclo — Disgrifiad o’r llun, Ym Mhorthdinllaen, taith o dan y dŵr gyda Isobel Lomax, a fu'n snorclo dros fôrwellt gyda'r baton

Roedd llawer o bartneriaid yn rhan o'r digwyddiadau, fel yr un yma ym Mhorthdinllaen.

Criw — Disgrifiad o’r llun, Roedd llawer o bartneriaid yn rhan o'r digwyddiadau, fel yr un yma ym Mhorthdinllaen

Cafodd y baton ei gludo allan i'r môr ar un o gychod British Sub-Aqua Club.

Porthdinllaen — Disgrifiad o’r llun, Cafodd y baton ei gludo allan i'r môr ar un o gychod British Sub-Aqua Club

Roedd hefyd gyfle i chwilota ar y traeth am gasys wyau siarcod a chathod môr (skate).

Y Môr a Ni — Disgrifiad o’r llun, Roedd hefyd cyfle i chwilota ar y traeth am gasys wyau siarcod a chathod môr (skate)

Taith y baton ar draws Cymru

Yna draw i Borthaethwy... Eleni, mae gan bob un o'r 74 gwlad sy'n cynnal Taith Baton y Brenin, eu baton unigryw eu hunain sy'n cynrychioli eu diwylliant unigryw. Cafodd baton Cymru ei ddylunio gan yr artist Nathan Wyburn.