Dirgelwch Llofruddiaeth Julie Clarke o 1984 yn Sir y Fflint Yn Parhau i Ddifyrru

Ym 1984, cafodd Julie Clarke ei llofruddio yn Sir y Fflint. Mae ymchwiliad cymhleth a heriol yn parhau i ddwyn diddordeb, gyda podlediad newydd Nic Parry yn adrodd y stori a'r heriau cyfreithiol o'r achos.

Cafodd Julie Clarke ei llofruddio yn 1984

RHYBUDD: Mae'r erthygl hon yn cynnwys manylion troseddol hanesyddol a allai beri gofid.

Dros ddeugain mlynedd yn ôl, yn 1984, dechreuodd gweithgaredd cyffredin o gerdded ci am dro ymchwiliad troseddol heriol, cymhleth a dramatig sydd hyd heddiw yn parhau i ddwyn diddordeb mawr.

Cafodd corff Julie Clarke, merch 17 mlwydd oed o Dwyran, Ynys Môn, ei ddarganfod mewn pant yng Nghoed y Llys ger pentref Llaneurgain yn Sir y Fflint wedi ei orchuddio gyda rhedyn.

Ditectifs yn mynd i archwilio corff Julie Clarke yng nghoed y Llys — Disgrifiad o’r llun, Ditectifs yn mynd i archwilio corff Julie Clarke yng Nghoed y Llys

Archwiliad y Ditectifs yng Nghoed y Llys

Bob dydd ar y pryd, roedd y cyn-farnwr a sylwebydd, Nic Parry, yn gyrru heibio i'r safle wrth fynd i'w waith fel cyfreithiwr ifanc. Ychydig a wyddai yr adeg honno y byddai'r darganfyddiad yn parhau i fod o ddiddordeb troseddol heddiw ac yn destun pennod gyntaf podlediad newydd dan ei arweiniad o - Y Podlediad Trosedd.

Bydd y gyfres yn mynd dan groen rhai o achosion troseddol mwyaf dylanwadol Cymru.

Ond ym mis Mawrth 1984, fe ddiflanodd Julie Clarke. Doedd neb wedi ei gweld hi ers yn gynnar ar fore'r 6ed o Fawrth.

I ddechrau, roedd yn ymddangos fel achos person ar goll, ond yn ôl ei theulu a ffrindiau doedd hynny ddim fel Julie. Cyn hir roedd rhywbeth yn teimlo'n sinistr ym mêr esgyrn rhai o dditectifs yr heddlu.

Dros ddeufis yn ddiweddarach, ar Fai'r 11eg, canfuwyd ei chorff dros 50 milltir o Fangor. Roedd y corff wedi pydru'n sylweddol gan ei gwneud hi'n anodd adnabod y corff, ond roedd un cliw tyngedfennol ar yr arddwrn – breichled ag arni'r enw Edwin.

Daeth arwyddocad yr enw yn amlwg i'r heddlu yn sydyn, diolch i slot brys ar y newyddion.

Bywyd Julie a'i Chyfarfod ag Edwin Milne

Ar y pryd, roedd Julie wedi symud oddi cartref ac yn byw ar stâd Glantraeth, ger Bangor. Roedd hi hefyd yn gweithio ym Mangor yng ngwesty Castle Hotel.

Gwesty y Castle Hotel ym Mangor — Disgrifiad o’r llun, Gwesty'r Castle Hotel ym Mangor lle'r oedd Julie yn gweithio

Dyna lle cyfarfu hi â dyn o'r enw Edwin Milne, Albanwr a oedd yn gweithio ar rigiau olew yng Nghaergybi. Dechreuon nhw garwriaeth, er ei fod o 15 mlynedd yn hŷn na hi, yn 32 mlwydd oed. Symudodd y berthynas yn gyflym – symudodd mewn ato, cafodd fodrwy ddyweddïo ddrud ganddo ac roedd bwriad ganddo i brynu siop iddi ei rhedeg ym Mangor.

Tyfodd amheuon yr heddlu ohono, ond doedd dim tystiolaeth yn ei erbyn ac fe gafodd ei ganfod yn ddieuog.

Datblygiadau a Heriau'r Achos

Fe ddatblygodd yr achos yn sydyn gan beri syndod mawr i'r ditectifs, patholegwyr a chyfreithwyr.

Y peth sy'n gwneud yr achos hwn yn un mor ddiddorol yn ôl Nic Parry yw'r heriau a'r elfennau cyfreithiol cymhleth, y ffaith fod y corff wedi pydru i'r fath raddau a dyfarniad

"syfrdanol o gyflym"

y rheithgor i ganfod yr unig berson oedd dan amheuaeth yn ddieuog.

Wrth adrodd yr hanes ar y podlediad, mae Nic yn siarad gyda newyddiadurwyr a ditectifs oedd yn gohebu ac yn ymchwilio i'r achos ar y pryd. Ac hyd heddiw, mae gan bob un atgofion cryf o gyfnod wnaeth ysgwyd cymunedau yn Sir y Fflint.