Teulu yn disgrifio Sian Batchelor fel 'person prydferth, doniol a chariadus'
Mae patholegydd wedi methu hyd yma â sefydlu achos marwolaeth dynes 32 oed a gafodd ei darganfod yn farw ar draeth yn Sir Benfro yn 2024.
Cafodd Sian Stephanie Batchelor ei darganfod ar draeth Pennar yn Noc Penfro ar 30 Ebrill 2024.
Adolygiad cyn-cwest yn datgelu diffyg clirdeb ar achos y farwolaeth
Mewn adolygiad cyn-cwest, dywedodd yr Uwch-grwner Gareth Lewis bod patholegydd wedi darparu tri adroddiad meddygol, ond nad oedd wedi gallu cadarnhau sut y bu farw Ms Batchelor.
Yn ystod y gwrandawiad yn Hwlffordd, dywedodd Mr Lewis y byddai'n rhoi gwybod i Heddlu Dyfed-Powys bod y llu bellach yn "person sydd â diddordeb" yn ei ymchwiliad.
"Byddai nodi hynny yn galluogi'r heddlu i ryddhau dogfennau ychwanegol allai fod yn berthnasol, ac i ddatrys unrhyw faterion y mae'r teulu yn ei gredu sydd ddim wedi cael digon o sylw hyd yma."
Pryderon teulu am ymchwiliad yr heddlu
Clywodd y gwrandawiad fod gan deulu Ms Batchelor bryderon ynghylch ymchwiliad yr heddlu yn dilyn ei marwolaeth.
Dywedodd y crwner ei fod wedi rhoi ymrwymiad i'r teulu y byddai'n ceisio cwblhau'r cwest erbyn diwedd y flwyddyn.
Rhagor o wybodaeth a chysylltiadau
Dilynwch Cymru Fyw ar Facebook, X, Instagram neu TikTok am ddiweddariadau.
Anfonwch unrhyw syniadau am straeon i cymrufyw@bbc.co.uk neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
